ჩვენ ვცხოვრობთ ჯანსაღი ცხოვრებით.

ფორმულირება ,,ცხოვრების ჯანსაღი წესი’’ გასული საუკუნის 70-იან წლებში დამკვიდრდა.

ცხოვრების ჯანსაღი წესის  შესახებ დღეს ცალკე მეცნიერებაც კი არსებობს. ამ მეცნიერებას ვალეოლოგია ეწოდება.ჯანმრთელობა სულისა და სხეულის სიჯანსაღეს, ჰარმონიასა და ერთიანობას გულისხმობს.

ცხოვრების ჯანსაღი  წესი გულისხმობს იმ ქცევას, რომელიც დადებით გავლენას ახდენს ადამიანის ჯანმრთელობაზე, ე.ი ცხოვრების ჯანსაღი წესი საკუთრივ მოიცავს ქცევის ყველა ელემენტს (შრომითი, სოციალური, ინტელექტუალური, ფიზიკური, სამედიცინო აქტივობა), რომელთა მიზანია ინდივიდუალური და საზოგადოებრივი ჯანმრთელობის  გაუმჯობესება. ცხოვრების ჯანსაღი წესი ასევე შეიცავს ჯანმრთელობაზე მოქმედი რისკ-ფაქტორების თავიდან აცილების გზებს. ცხოვრების ჯანსაღი წესის დამკვიდრებისთვის გამიზნული სახელმწიფო პოლიტიკის ძირითადი მიმართულებებია:

1. მოსახლეობის მიერ თამბაქოს მოხმარების შემცირება;

2. მოსახლეობის მიერ ალკოჰოლის მოხმარების შემცირება;

 3. მოსახლეობის მიერ წამლების ბოროტად გამოყენების შემცირება;

 4. მოსახლეობის ფიზიკური აღზრდის უზრუნველყოფა.

ცხოვრების ჯანსაღი წესის დამკვიდრება არის ერის არა მარტო ფიზიკური, არამედ სულიერი გაჯანსაღების გზაზე გადადგმული ნაბიჯი და მისი განხორციელება შესაძლებელია მხოლოდ საერთო მიზნითა და ძალისხმევით.

ძვირფასო მეგობრებო ! გაუფრთხილდით უძვირფასეს კაპიტალს – თქვენს ჯანმრთელობას!

ადრეული ასაკიდანვე იზრუნეთ თქვენი შვილების ჯანმრთელობაზე!

მისდიეთ ცხოვრების ჯანსაღ წესს!

 ხელი შეუწყვეთ გარემოს დაცვასა და ეკოლოგიური პირობების გაუმჯობესებას!

 დაე, ერთად ვიზრუნოთ ჯანსაღი და სრულფასოვანი საზოგადოების შექმნისათვის !

ცხოვრების ჯანსაღი წესი,  ხომ  ჯანმრთელობის ერთ-ერთი უმთავრესი პირობაა. ის რამდენიმე ელემენტს მოიცავს: შრომისა და დასვენების ოპტიმალურ რეჟიმს, სწორ კვებას, მოძრაობით აქტივობას, პირად ჰიგიენას, სხეულის გაკაჟებას, მავნე ჩვევებზე უარის თქმას, ადამიანების სიყვარულს, ცხოვრების პოზიტიურ აღქმას.

მასალა მომზადებულია პროგრამა youtube-დან